Dinsdag 2 Junie is ‘n dag wat die ouers van die 4-jarige Leonel Riekert van Parys nie sal vergeet nie.

Leonel het geval terwyl sy ‘n skêr in haar handjies gehou het. Die skêr het haar linkeroog en wang gepenetreer.

Die besering in haar ogie was egter baie groter as wat aanvanklik verwag is.

Oogspesialis, dr Corné Gouws het die wond Woensdagoggend toegemaak, maar vandag, Donderdag 4 Junie, is daar met die ondersoek gesien dat die retina los is en ‘n vitreo-retinale spesialis in Johannesburg dringend die herstel daarvan moet hanteer om die visie in klein Leonel se ogie te probeer red.

Die kostes van die herstel van die operasie word geraam op ongeveer R60 000. Die eerste operasie wat Leonel moes ondergaan het reeds R20 760 gekos.

Die gesin het nie ‘n mediese fonds nie, en die staat kan nie tans so ‘n delikate operasie hanteer nie.

Leonel se ouers sien môre die vitreo-retinale spesialis, in Johannesburg in die hoop om hul dogtertjie se sig te red.

As jy op enige manier hierdie gesin kan ondersteun met ‘n bydrae om die operasie moontlik te maak, kan jy ‘n elektroniese bydrae maak in die prokureurs-trustrekening waar alle fondse vir Leonel se operasie deur prokureur Stefan Scheepers geadministreer sal word.

Die bankbesonderhede vir die trustrekening is: Stefan Scheepers Ingelyf, FNB Trustrekening takkode 230736, rekeningnommer 62703192394. Gebruik asseblief die verwysing Leonel Riekert.

Source: https://parysgazette.co.za/38452/hulp-dringend-nodig-vir-klein-leonel/

PLEASE NOTE: JHB Eye Hospital is a facility used by Doctors to perform operations and NO consultations take place at JHB Eye. The doctors affiliated with Johannesburg Eye Hospital each have their own independent practices and consultations are conducted in their rooms and not at JHB Eye. Therefore unfortunately JHB Eye hospital is not able to assist with booking appointments.

Please view the Doctor tab for the contact details of all affiliated doctors who practice at JHB Eye. The Doctor's contact details and areas of specialisation are referenced on the Doctors tab by clicking on the Doctors picture is (the phrase) that has been placed on the website.