Author Archives: keyline

As part of our CSR initiative, we at the JHB Eye Hospital strive to help our community through the support of all our doctors, by assisting with restoring the gift sight to members of the community who need our help.

Dinsdag 2 Junie is ‘n dag wat die ouers van die 4-jarige Leonel Riekert van Parys nie sal vergeet nie.

Leonel het geval terwyl sy ‘n skêr in haar handjies gehou het. Die skêr het haar linkeroog en wang gepenetreer.

Die besering in haar ogie was egter baie groter as wat aanvanklik verwag is.

Oogspesialis, dr Corné Gouws het die wond Woensdagoggend toegemaak, maar vandag, Donderdag 4 Junie, is daar met die ondersoek gesien dat die retina los is en ‘n vitreo-retinale spesialis in Johannesburg dringend die herstel daarvan moet hanteer om die visie in klein Leonel se ogie te probeer red.

Die kostes van die herstel van die operasie word geraam op ongeveer R60 000. Die eerste operasie wat Leonel moes ondergaan het reeds R20 760 gekos.

Die gesin het nie ‘n mediese fonds nie, en die staat kan nie tans so ‘n delikate operasie hanteer nie.

Leonel se ouers sien môre die vitreo-retinale spesialis, in Johannesburg in die hoop om hul dogtertjie se sig te red.

As jy op enige manier hierdie gesin kan ondersteun met ‘n bydrae om die operasie moontlik te maak, kan jy ‘n elektroniese bydrae maak in die prokureurs-trustrekening waar alle fondse vir Leonel se operasie deur prokureur Stefan Scheepers geadministreer sal word.

Die bankbesonderhede vir die trustrekening is: Stefan Scheepers Ingelyf, FNB Trustrekening takkode 230736, rekeningnommer 62703192394. Gebruik asseblief die verwysing Leonel Riekert.

Source: https://parysgazette.co.za/38452/hulp-dringend-nodig-vir-klein-leonel/

Leonel is Dinsdag in die Johannesburgse Ooghospitaal deur dr. Bernard Wolff geopereer waar gesien is wat die omvang van die skade aan haar ogie is, wat ernstig beseer is na ‘n fratsongeluk Dinsdag, 2 Junie toe sy met ’n skêr wat sy in haar handjies gehou het, geval het.

Hoewel oogspesialis, dr. Corné Gouws, verlede Woensdag die wond toegemaak het, is daar Donderdag, 4 Junie met die ondersoek gesien dat Leonel se retina weens die besering los is, en is sy na dr. Wolff, ‘n vitreo-retinale spesialis, verwys.
Die gesin het nie ’n mediese fonds nie en die staat doen tans nie sulke delikate operasies soos wat Leonel dringend moes kry om haar sig, en skade aan haar oog te probeer herstel nie.

Sedert die Gazette Donderdagmiddag oor klein Leonel se fratsongeluk berig het, is ‘n trustfonds vir haar gestig wat deur prokureur Stefan Scheepers van Parys geadministreer word.
Mense van oral oor het eenvoudig net hul harte oopgemaak vir die gesin en is binne twee dae
R125 000 vir Leonel ingesamel wat genoeg was om Dinsdag se operasie te kon betaal, en te help met die opvolgoperasies en behandeling wat sy sal nodig hê.
Vir Leonel gaan dit ‘n lang pad na herstel wees, maar pak haar ouers, André en Mari, elke dag in geloof aan.

Hulle sê dat woorde nie kan beskryf hoe ongelooflik dankbaar hulle is vir elke oproep, boodskap, gebed of bydrae. Daar is eenvoudig net te veel name om te noem.
Van kunstenaars wat bereid was om Leonel se storie op hul sosiale platforms te deel, tot die Secret Saints van Vereeniging en ander organisasies en individue wat ingespring het om te help. Elke bydrae word opreg deur hierdie gesin waardeer.

Source: https://vaalweekblad.com/65142/leonel-4-ondergaan-delikate-operasie-na-sker-ongeluk/